Defnydd Derbyniol o DEWi

Beth sydd yn y Polisi hwn?

Mae'r polisi defnydd derbyniol hwn yn diffinio defnydd priodol ac amhriodol DEWi ac yn nodi'r safonau cynnwys sy'n berthnasol pan fyddwch yn uwchlwytho cynnwys i DEWi, yn cysylltu â DEWi, neu'n rhyngweithio â DEWi mewn unrhyw ffordd arall.

Pwy ydym ni a sut i gysylltu â ni

Gweithredir DEWi gan Lywodraeth Cymru.

I gysylltu â ni, e-bostiwch ims@gov.wales neu ysgrifennwch atom yn:

School Information & Improvement Branch,
School Effectiveness Division,
Welsh Government, Cathays Park,
Cardiff,
CF10 3NQ

Drwy ddefnyddio ein Gwefan rydych yn derbyn y telerau hyn

Drwy ddefnyddio ein Gwefan, rydych yn cadarnhau eich bod yn derbyn telerau'r polisi hwn a'ch bod yn cytuno i gydymffurfio â nhw.

Efallai y byddwn yn gwneud newidiadau i delerau'r polisi hwn.

Gallwn ddiwygio'r Polisi Defnydd Derbyniol hwn o bryd i'w gilydd.

Bob tro yr hoffech ddefnyddio ein Gwefan, gwiriwch y telerau hyn i sicrhau eich bod yn deall y telerau sy'n berthnasol bryd hynny.

Sut y gallwch ddefnyddio DEWi

Mae DEWi yn galluogi trosglwyddo a dilysu gwybodaeth am ddisgyblion, y gweithlu a ' r ysgol yn ddiogel ar gyfer casgliadau data statudol drwy system gadarn. Mae hefyd yn ffordd i ysgolion rannu’r data hwn â’u hawdurdodau lleol. Defnyddir adnoddau defnyddiol i helpu ysgolion ac awdurdodau lleol i ddilysu eu data.

Defnyddir DEWi hefyd gan Lywodraeth Cymru i rannu gwybodaeth ag awdurdodau lleol.

Gall aelodau staff awdurdodau lleol ddefnyddio DEWi ar wahanol lefelau ar gyfer y dibenion canlynol:

• gweld a dilysu datganiadau data statudol ysgolion
• anfon datganiadau data statudol ysgolion i LC
• nodi unrhyw sylwadau ar adroddiadau gwallau ar gyfer datganiadau data statudol ysgolion
• lawrlwytho ffeiliau xml a csv y datganiadau data statudol ysgolion
• efelychu ysgolion
• ailosod cyfrineiriau ysgolion DEWi
• anfon ffeiliau cyffredinol i LC pan fo angen
• lawrlwytho adroddiadau eraill gan LC
• gweld a lawrlwytho adroddiadau ar gyfer datganiadau data statudol ysgolion

Bydd staff awdurdodau lleol ond yn gallu defnyddio DEWi os oes ganddynt angen busnes dilys i ddefnyddio’r system yn unol â’r defnydd a fwriedir sydd wedi ei amlinellu uchod. Mae defnydd DEWi a’r defnydd o gyfrifon defnyddwyr yn cael ei fonitro’n rheolaidd.

Defnyddiau gwaharddedig

Dim ond at ddibenion cyfreithlon y cewch ddefnyddio ein Gwefan.

Nid yw DEWi yn adnodd ar gyfer archifo data. Bydd data yn aros ar DEWi am un flwyddyn ar y hiraf. Nid yw DEWi chwaith yn adnodd trosglwyddo ffeiliau rhwng ysgolion, neu rhwng awdurdodau lleol.